Les playes del norte peninsular tienen más bacteries fecales

Les agües de la costa atlántica gallega y del Cantábricu, más fríes y con menos hores de sol, tienen una mayor concentración de bacteries E. coli y enterococos, según un análisis de la Universitat d'Alacant. Murcia ye'l llugar onde menos presencia tienen.

Los investigadores analizaron la calidá de les agües de bañu en 1.392 sableres de la costa estatal a partir de diferentes variables qu'inflúin na concentración de les bacteries: carauterístiques del sedimentu de la playa (sable, grava o mesta), grau d'urbanización, factores climáticos (radiación ultravioleta, pluviometría, hores de sol, temperatura del agua, salinidá, etc.), clima marítimu, factores antropoxénicos, y valores de les bacteries de cada playa según muestreos espublizos del 2012 a 2015. Con toos estos factores, los científicos revelen na revista 'Science of the Total Environment' que les sableres asitiaes nel norte peninsular son les que mayor concentración de bacteries presenten, mientres que la zona del sur del Mediterraneu tien niveles de concentraciones bastantes inferiores, inclusive perbaxo la media estatal.

"La supervivencia d'E. coli n'agua aumenta a temperatures más baxes. Poro, les provincies con agües costeres que tienen una temperatura media n'época braniega más baxa, como son les del Atlánticu o Cantábricu, contienen una mayor concentración de coliformes fecales al subsistir más tiempu”, esplica a l'axencia Sinc Luis Aragonés Pomares, investigador nel departamentu d'Ingeniería Civil de la Universitat d'Alacant y autor principal del trabayu. Según el científicu, la temperatura del agua pue afectar a les tases de supervivencia de los microorganismos, pero ta también venceyada cola disponibilidá de nutrientes o la radiación ultravioleta.

En Canarias, agües de más calidá pero menos depuraes

Nesi sen, “les hores de sol de cada provincia a lo llargo de la época de bañu inflúin mucho: son responsables de la radiación, fundamental na depuración de les agüas y que causen la muerte de les bacteries de les capes superficiales”, añade. “Asina, gracies a l'aición del sol –con un eleváu grado de depuración–, la zona costera con menor concentración de bacteries fecales correspuende a la provincia de Murcia. La calidá de les agües ye meyor en Canarias por mor de la lluz ultravioleta mientres más tiempu, pero tienen un menor grau de depuración", especifica.

Fonte: axencia Sinc.