Les Pandereteres ponen el ramu al ciclu de música ibérica d'Avilés

La formación avilesina creada por Eva Tejedor escosa toles entraes pal conciertu del vienres na Sala Club del Centru Niemeyer.

Les Panderetes nacen nel 2014 cola intención de tresmitir el folclor al traviés de la pandereta, instrumentu carauterísticu de la música tradicional asturiana. Anguaño, y tres collaborar con la Banda de Gaitas El Trasno, tán trabayando nos que serán los temes del so primer discu, que va contar con cantares tradicionales y composiciones propies d'Eva Tejedor.

L'actuación de les nueve pandereteres que conformen el grupu va tener llugar mañana a les 21 hores na Sala Club del Centru Niemeyer, que va presentar un enllenu total. Esti conciertu pon el ramu al ciclu 'Escenes Ibériques' que traxo a Avilés a los gallegos Xabier Díaz & Adufeiras de Salitre y al pucelanu Germán Díaz.