Les ONG's asturianes conviden a nun mercar productos israelinos

La Coordinadora d'Organizaciones non Gubernamentales d'Asturies pidiól boicot comercial a los productos procedentes d'Israel mientres que l'Exércitu d'esti país nun apare los sos ataques contra los territorios ocupaos de Gaza y Cisxordania y contra'l Líbano. Les ONG's asturianes aseguren que "al pueblu palestín y agora tamién al libanés tán masacrándolos por oponese a la ocupación del so territoriu". Al paecer de la CONGD, contra'l terrorismu "nun ta permitío too" y el derechu a la defensa por parte d'un Estáu "nun llibra del respetu de les normes de Derechu Internacional, sobre too no tocante al respetu a la población civil". Pa les ONGs asturianes, el terrorismu d'Estáu "ye muncho más grave que tolos demás" faciendo un llamáu al respetu al derechu internacional, a la fin de los ataques y al diálogu.