Les ONG’s asturianes defenden a l’Axencia de Cooperación

Dempués de les declaraciones de la diputada popular Inmaculada González qu'afirmó que'l PP tien intención de pesllar l'Axencia de Cooperación y que cuestionó bien de puntos de la Llei de Cooperación que ta p'aprobase'l 5 de mayu, la Coordinadora Asturiana d'Organizaciones Non Gubernamentales de Desarrollu ta espardiendo una carta na que defende la existencia del organismu que dirixe Rafael Palacios y na que define la Llei Asturiana de Cooperación como "una histórica aspiración de les ONGD Asturianes" qu'afirmen que yá taba previsto redactar dende l'añu 2.000.

La Coordinadora Asturiana d'ONGD, qu'axunta a un total de 38 organizaciones dedicaes ala cooperación al desarrollu diz que "valora mui positivamente" la creación d'una Axencia Asturiana de Cooperación con entidá propia en cuantes qu'ello va repercutir na meyora de la calidá de les acciones de Cooperación que se desarrollen dende l'alministración y dende les ONGD Asturianes y afirma qu'otres munches comunidaes autón om estan dotándose tamién d'organismos y llexislación asemeyaos a los asturianos, polo que califica de "respetable pero pésima midida práctica pa la Cooperación asturiana" la desapaición de l'Axencia al empar que pide que la xustificación que da'l PP pa pesllar l'Axencia por causa del gastu de la mesma en viaxes se razone meyor.