Les movilizaciones de Naval Xixón lleguen a la gran pantalla

El 45 Festival Internacional de Cine de Xixón, que va celebrase del 22 de payares al 1 d'avientu, va acoyer la estrena de dos llargos sobre'l conflictu de Naval Xixón: 'El astillero (Perdonen las molestias)', d'Alejandro Zapico, y 'Cándido y Morala, ni un paso atrás', de Ruth Arias.

La primera d'estes cintes, cuenta cola participación de Fernando León y la guionista Lola Salvador y producida pol fotógradu asturianu Javier Bauluz, recueye'l día a día de los protagonistes de les movilizaciones del astilleru asturianu, espeyando les polémiques sindicales y les secuelas del conflictu a nivel familiar y personal. Nel casu de 'Cándido y Morala, ni un paso atrás' esta céntrase nel retratu de les lluches y movilizaciones obreres de los trabayadores del sector naval. Dambos títulos van pasase nel ciclu "Esbilla" del certame xixonés.