Les llibreríes de tol país faen un 10 por cientu de descuentu na compra de llibros n’asturianu

Esti vienres tamién se celebra’l Día del Llibru Asturianu. Les llibreríes del país van facer un 10 por cientu de descuentu a toles persones que decidan mercar una publicación n’asturianu y van regalar una obra sobre Mánfer de la Llera.
 
Ésta va ser ‘Mánfer de la Llera, de la rampla a la pluma’, exemplar que presentóse ayeri en Ciañu y que recueye episodios de la vida del escritor llangreanu al que se dedica esta edición de la Selmana de les Lletres Asturianes. Nesti volume collaboren firmes como Armando Magadán, Aladino Fernández, Paco Álvarez, Inaciu Llope o Irene Díaz, ente otros.
 
Les llibreríes que celebren la xornada del Día del Llibru Asturianu son Aldebarán, Antares, Bertrand, Cervantes, El Corte Inglés, Diocesana, Garluc, Maribel, Ojanguren, La Palma, Paraxuga, Polledo, Puntos, Reconquista, Santa Teresa, II Milenio y Servitec, n’Uviéu; Bardos, Casa del Libro, Central, Cornión, El Corte Inglés, English Book Shop, Hernández, Paradiso, Piraña Family Producciones, Roy y Zifar, en Xixón;Alani, Azucel, Casona, Clarín, El Corte Inglés, Víctor Núñez, La Vieja Atalaya, Elepé Productions, n’Avilés; Disco 55, Mercantil, La Pilarica y La Torre, en Mieres; Treito, en Cangas del Narcea; Imagen, en Cangues d’Onís; Mario, en Cancienes; Sol, en L’Entregu; Rima; en L’Infiestu; Clarín, en Llanes; A. Pantiga, en Ciañu; Arvín, en Llaviana; Helas, en Ḷḷuarca; Gestión, en Les Arriondes; el Muséu de la Sidra, en Nava; y Eroski y FNAC (Parque Principado), Naredo y San Vicente (La Pola), nel conceyu de Siero.