Les lletres 'Pw' salen nel sortéu d'almisión d'escolinos nos centros pal cursu viniente

En casu d'empate de puntuación, va mirase l'apellíu n'orde inversu, de la 'Z' a la 'A'.

Esta mañana comenzó'l procedimientu xeneral d'almisión d'alumnáu pal cursu 2018-2019 cola realización d'un sortéu pa resolver empates de puntuación nos centros docentes públicos y privaos concertaos qu'imparten segundu ciclu d'Educación Infantil, Educación Primaria, Educación Secundaria Obligatoria y Bachilleratu. El primer pasu foi la realización del sortéu pa resolver casos d'empate de puntuación, que dio como resultáu que van tener prioridá los apellíos, nel sentíu de la 'Z' a la 'A', qu'empiecen poles lletres 'Pw'.

Ente güei y el miércoles ye'l plazu de devolución, poles families a los centros d'Infantil/Primaria multiadscritos, del anexu I debidamente cumplimentáu y de la documentación aportada pa la baremación. La espublización de la llistes provisionales de reserva de plaza nes escueles de Primaria y Secundaria va facese'l día 26, dándose a conocer la definitiva'l 12 d'abril.