Les frases del día 23 na campaña eleutoral

PP - Susana López Ares, cabeza de llista: "El PP garantiza una sanidá universal, pública, gratuita y de calidá, la llibertá d'escoyer hospital y médicu, un plan nacional contra les llistes d'espera y una atención integral pa los pacientes crónicos".

Foro - Francisco Álvarez-Cascos, secretariu xeneral: "El nuesu programa contempla un Decálogu en defensa de les PYMES y los autónomos pa protexer y favorecer la so actividá, estimular l'apaición de nuevos emprendedores y fomentar la creación d'emplegu".

PSOE - Adriana Lastra, cabeza de llista: "L'únicu partiu que garantiza'l cambiu real ye'l PSOE".

Podemos - Segundo González, númberu 2 de la llista al Congresu: "Mientres otros nun salen a la cai porque nun saben responder a la ciudadanía, nós rendimos cuentes nes places".

Izquierda Xunida - Manuel González Orviz, númberu 3 de la llista al Congresu: "Xuníos Podemos va a estes eleiciones coles mires de cumplir dalgún de los sos valores: ye cristianu'l nun vas robar, pretendemos qu'haya tresparencia y pretendemos que s'acabe cola corrupción; ye cristiana la xusticia social, pretendemos acabar cola desigualdá; y ye cristiana la repartida de los panes y los pexes, la repartida de la riqueza".

Ciudadanos - Ignacio Prendes, cabeza de llista: "La educación concertada ye parte fundamental del sistema públicu educativu. Casi un terciu de las families escueye esta educación pa los sos fíos y nós somos partidarios de mantener la doble rede. Sicasí, ye necesario homoxeneizar la situación de la educación concertada en toles comunidades autónomas pa evitar discriminaciones y fomentar el tratu igualitariu ente tolos centros".