Les frases del día 21 na campaña eleutoral

PP - Mercedes Fernández, presidenta del PP d'Asturies: "Rajoy representa la moderación, el sentíu común, l'emplegu y el progresu, p'Asturies y pa España".

Foro - Isidro Martínez Oblanca, númberu dos de la llista al Congresu: "La gran prioridá de la Coalición PP-Foro ye equiparar Asturies al dinamismu de la España que crez en puestos de trabayu y afiliaciones a la Seguridá Social".

PSOE - Vicente Álvarez Areces, candidatu al Senáu: "La hucha de les pensiones foi saquiada pol Gobiernu de Rajoy nun cuatrieniu prietu pa los pensionistes."

Podemos - Sofía Castañón, cabeza de llista: " 200 economistes internacionales sofitene el programa de Xuníos Podemos y piden un xiru pa Europa".

Izquierda Xunida - Alberto Garzón, coordinador xeneral estatal: "Nós nun somos l'enemigu, nun somos l'adversariu, nun somos los responsables de la miseria, de la desigualdá nin de les reformes llaborales qu'afararon la nuesa sociedá. El responsable ye'l PP y ye al qu'hai que ganar les eleiciones".

Ciudadanos - Albert Rivera, candidatu a la presidencia del Gobiernu: "Ciudadanos propón un Pautu Nacional pola Educación onde la formación profesional tendrá un papel protagonista".