Les frases del día 13 na campaña eleutoral

PP-Foro - Susana López Ares, cabeza de llista: "El nuesu compromisu ye siguir poniendo tolos medios posibles pa garantizar la igualdá d'oportunidaes, tanto n'educación como n'inserción llaboral", nuna visita al Centru d'Apoyo a la Integración (CAI) de Cocemfe en Xixón.

PP-Foro - Isidro Martínez Oblanca, númberu dos de la llista al Congresu: "Cuando defendemos el carbón tamos defendiendo la soberanía enerxética d'España, la rebaxa de la tarifa llétrica, la competitividá de les nueses empreses y la creación de puestos de trabayu".

PSOE - Javier Fernández, presidente d'Asturies: ""Hai una rellación mui estrecha ente lo que pasó en Xixón y lo que pasó nel Congresu: Podemos nun quería que gobernáramos los socialistas"

Xuníos Podemos - Sofía Castañón, cabeza de llista: "La Llei Integral de Violencia de Xéneru nun ta funcionando y prueba d'ello ye la situación acuciante y d'emerxencia q'hai. Ye un problema qu'hai qu'atayar dende'l raigañu, porque la violencia iníciase cola desigualdá nel mundu llaboral, qu'afeuta a la independencia económica de les muyeres. Ye preciso que se nos dexe de ver como un perfil de riesgu a la hora d'acceder a un emplegu y pa ello hai que garantizar que nun seamos diferenciaes pola crianza o les cuestiones reproductives, y que los permisos de paternidá y maternidá sían igualitarios y remuneraos al cien por cien".