Les fortificaciones d'El Cuetu, rexistraes nel Inventariu del Patrimoniu Cultural

|
Planu fortificaciones El Cuetu

Trátase de la mayor estructura bélica construyida nel país mientres la Guerra Civil.

Les fortificaciones d'El Cuetu, en Llugones, yá tán incluyíes nel Inventariu del Patrimoniu Cultural d'Asturies (IPCA), segundu nivel de proteición, coincidente en gran parte col de los Bienes d'Interés Cultural (BIC), el más altu, qu'obliga a solicitar permisu pa intervenciones posibles nel bien, qu'han de respetar siempre los valores históricos y culturales, ensin poner en riesgu la so conservación. Éstes integraben la quinta llinia republicana de fortificaciones al rodiu d'Uviéu y cuenta con un fortín central arrodiáu d'una llinia de tricheres en zigzag de 350 metros de llargor blindada, con dellos puestos p'ametralladores.

Anguaño consérvense dos galeríes círculares con dos ñeros pa estes armes apegaes a caún d'ellos. Ye de destacar qu'estes fortificaciones de la Guerra Civil tán asentaes nun cuetu onde se señala la esistencia posible d'un castru.

AdxuntuTamañu
PDF icon BOPA fortificaciones El Cueto IPCA533.85 KB
Contador Estadistiques