Les fiestes d'Andrín axunten a los meyores grupos de la escena folk

|
Les fiestes d'Andrín axunten a los meyores grupos de la escena folk

Andrín va ser testigu esta fin de selmana de les actuaciones de dalgunes de les meyores formaciones folk de la escena. Les fiestes de la Nuesa Señora d'Andrín axunten a Llan de Cubel, Felpeyu, Corquiéu, Tejedor y a los gallegos Milladoiro nesta población llanisca onde'l rock tamién va tener el so espaciu.

Anque los festexos comenzaren el vienres pasáu con una espicha na bolera, la celebración concéntrase ente esti sábadu y el domingu. Asina, Corquiéu van ser los encargaos d'abrir los conciertos a les 18 hores, pa depués dar pasu a Llan de Cubel y Felpeyu. La nueche va finar con soníos más rockeros con Los Cómodos y Jimmy Barnatán & The Cocooners, actuaciones previstes de magar la medianueche.

El domingu, tres el treslláu de la virxe a la ilesia, previstu pa les 20 hores, va ser el turnu de Tejedor y Milladoiro enantes de dar pasu a la verbena con Takikardia. La xornada festiva cabera va ser el llunes, cola misa solemne a les 20 hores y la gran romería d'Andrín darréu.

Contador Estadistiques