Les encuestes caltienen el mesmu resultáu n'Asturies pal 26-X

Al igual que pronosticó'l CIS, les encuestes últimes espublizaes dexen el mesmu repartu d'escaños nel país nes Estatales del domingu.

El resultáu n'Asturies sería, poro, un trunfu de PP-Foro, que sumaría 3 escaños, por 2 de Xuníos Podemos, 2 del PSOE y 1 de Ciudadanos. En definitiva, el mesmu resultáu que'l 20-A, cuando Izquierda Xunida presentóse como Unidad Popular.

A nivel estatal, toes coinciden nel trunfu del Partido Popular (PP) con unos númberos asemeyaos a los d'avientu. Mentes, confirmen el posible 'sorpasso' de Xuníos Podemos al PSOE, cola posibilidá de formar Gobiernu dende la izquierda, y un descensu de Ciudadanos.