Les elecciones, dende Asturies.com

La conseyera de la Presidencia, María José Ramos, presentó esta mañana n'Hotel Reconquista d'Uviéu el dispositivu oficial del centru de seguimientu de datos de les elecciones autonómiques del prósimu domingu. Dientro del seguimientu especial que tamos faciendo de la cita electoral, Asturies.com va tar presente esti domingu nel Reconquista, dende onde apurriremos información actualizao sobre'l desarrollu de la xornada y daremos, col mayor adelantu posible, los datos del recuentu de votos de les elecciones autonómiques, que depués van dir volcándose na páxina especial del Principáu.

Les elecciones a conceyos dependen directamente del Ministeriu del Interior, que tamién dio anuncia, al través de la Delegación del Gobiernu, de que va apurrir información, a lo llargo del día, sobre'l desarrollu de la xornada. Según esplicó la Delegación del Gobiernu, los datos de les elecciones a conceyos van tardar más en dase por culpa de que va haber qu'esperar hasta les 9, hora en que piesllen les meses nes Islles Canaries, anque depués van espardese, en tiempu real, pela web especial que tienen preparada a costafecha pa esti día