Les carroces van enllenar de color les cais d’Uviéu pol Día d’América

|
Les carroces van enllenar de color les cais d’Uviéu pol Día d’América

Les fiestes de San Mateo viven esti miércoles ún de los sos díes más especiales y que concentra más públicu nes cais d'Uviéu. Celébrase’l Día d’América n'Asturies, desfile que xune'l país col continente qu’acoyó a miles d’emigrantes, nel que va entamase un homenaxe a New Orleans pol tercer centenariu de la so fundación.

Más de 3.000 persones van participar nel mesmu, lo que va convertilu nel mayor de les 68 ediciones celebraes hasta la fecha. 12 carroces y 20 pasos van protagonizar el desfile, que va partir de la cai Independencia pa facer el percorríu siguiente: Uría, Marqués de Santa Cruz, Santa Susana, plaza Xeneral Ordóñez, avenida de Galicia, Plaza d’América, Marqués de Teberga y Asturies.

Tolos grupos partipantes son, per primer vegada, residentes n’Uviéu gracies a la collaboración de la comunidá llatinoamericana na ciudá. Esta edición va tar dedicada a New Orleans, ciudá estauxunidense que cumple 300 años y que va contar con una carroza propia y la presencia d’una banda, la Kinfolk Brass Band, desplazada dende l’otru llau del charcu.

Contador Estadistiques