Les beques mineres, nel Ulos?

El buscador de webs asturianes úlos? presenta esta selmana un conxuntu de webs de lo más interesante, sobremanera dientro del campu de les instituciones. Pa entamar, y ye que amás ta d'actualidá, hai que dar l'enllace al web del Programa d'ayudes y beques en zones mineres y del carbón, onde quien viva en conceyos acoyíos al plan Rechar alcuentra tola información pa solicitar les famoses "beques mineres". Amás, el Conceyu de Morcín estrena la so web nel buscador asturianu, con abondante información pa visitar el llugar. Otres webs de la selmana son la de la Sociedá de Festeyos de Noreña o la de l'Asociación de tresplantaos d'Asturies.Pa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.

Contador Estadistiques