Les Ayalgues d'Ayer celebra diez años con una fiesta con bailles tradicionales

|
Cartelu fiesta décimu aniversariu de Les Ayalgues d'Ayer

El grupu tamién ta preparando la XVI 'Feria de Artesanía' de Cabanaquinta.

El polideportivu de la capital ayerana va ser la sede de la fiesta tradicional con escenariu llibre qu'entama'l grupu de baille Les Ayalgues d'Ayer pa festexar el so décimu aniversariu. Xotes, muñeires o baille a lo lixero van disfrutase de magar les 22.30 hores, cola posibilidá abierta a tol mundu de tocar nel llugar contautando cola formación al traviés de Facebook o WhatsApp.

Al día siguiente, los sos integrantes van participar na XVI 'Feria de Artesanía' de Cabanaquinta, qu'organiza'l propiu grupu. 45 artesanos de diferentes disciplinas van llevar los sos productos a esti eventu, que comienza a les 11 hores y fina a les 20, y nes que tamién actúen la Banda Gaites Güestia y el Grupo de Danzas Casado del Alisal de Villada, procedente de Castilla, a partir de les 12.30 hores.

Contador Estadistiques