Les aules queden vacíes pola fuelga educativa

|
Manifestación Xixón fuelga educativa 9-M

Importante siguimientu del paru y destacada participación nes manifestaciones estudiantiles d'esti 9-M en Xixón y Uviéu, qu'acueye la conxunta d'esta tarde.

El Sindicatu Unitariu Autónomu de Trabayadores del la Enseñanza d'Asturies (SUATEA) cifró nun 90 por cientu'l porcentaxe de los profesores non universitarios que pararon güei, al igual que na universidá, y nun 80 por cientu'l del alumnáu de Primaria y Secundaria. Pela so parte, el Sindicato de Estudiantes fala del 90 por cientu en Secundaria y Bachilleratu, y del 80 por cientu na Universidá d'Uviéu.

"La xornada de güei foi una reclamación estraordinaria de la comunidá educativa esixendo la derogación de la LOMCE, la reversión de los recortes, la participación de los axentes sociales nes negociaciones del pautu educativu y, por parte de los sindicatos de docentes, la meyora de les condiciones llaborales del profesoráu", afirma SUATEA. El sindicatu va participar esta tarde na convocatoria prevista esta tarde n'Uviéu, con salida a les 18 hores na Estación del Norte (RENFE), xunto con otres centrales, coleutivos de padres y madres y estudiantes, que yá se manifestaron esta mañana na capital asturiana y en Xixón con una importante asistencia de persones.

Contador Estadistiques