Leganés 0 - Sporting 2

Al Sporting viniéron-y bien daes esta selmana en Madrid, onde xugó en partíu mañaneru contra'l Leganés, equipu qu'ocupaba un puestu semeyu al de los asturianos metanes la tabla. Los de Maceda tardaron en concretar hasta la segunda parte, pero yá namás entamar el xuegu viose que l'equipu de la capital nun yera enemigu pa los de Xixón, que teníen amás na grada más afición que'l propiu equipu de casa. La conexón Vill-Manel foi determinante na suerte del equipu, y dambos delanteros filvanaron una xugada tres d'otra hasta que yá cola segunda parte bien metida, foron quien a fusilar la meta local yá cola defensa baltiada pola primer espulsión. L'enfotu tarxeteru del árbitrio acabó dexando al Leganés con nueve y al Sporting con once... por espulsión de Maceda.