L'avance del curtiu d'animación 'El diañu' va poder vese en FICXixón

|
'El diañu'

Dirixida por Samuel Fernandi y producida pola Universitat Politècnica de València, la cinta ta tovía nel procesu de producción.

Va ser esta tarde dientro de la estaya Día d'Asturies del Festival Internacional de Cine de Gijón/Xixón (FICXixón), fuera de competición, cita prevista dende les 20.30 hores na Llaboral. Una bona oportunidá pa conocer como ta desendolcándose esti curtiu d'animación n'asturianu, yá na so fase final.

'El diañu' cuenta la historia de Xuan Vallina, un mineru que camín del trabayu atopa nun castañéu un caballu misteriosu con una mancha prieta na frente. Resultará ser el diañu burllón.

José Antonio Lobato (Xuan), Carmen Gloria García (Maruxa) y Pepe Mieres (El Diañu) ponen la so voz a los personaxes del curtiu, que tien como banda sonora a Mapi Quintana, Felpeyu y Tomás de la Güeria. María Reyero encárgase de la direición d'arte y Dana Benso del diseñu de producción d'un proyeutu que nel 2016 llevó'l Premiu Nuevos Realizadores que convoca'l Gobiernu en collaboración col FICXixón.

Contador Estadistiques