L'autonomía del Ulster queda en suspenso

El gobiernu inglés dexará dende en suspenso dende esta nueche l'autonomía del Ulster. La midía convertirá otra vez a la provincia d'Irlanda del Norte nuna colonia británica, neto que cuando l'imperiu, y ye amás una suspensión sine die. La decisión de Llondres vien a cuentu de que va unes selmanes la policía detuvo a cuatro miembros del partíu nacionalista Sinn Fein acusaos de tener información que-y podría valer a un grupu terrorista, lo que valió pa destar al políticu unionista David Trimble, que pidió que se-yos retirare l'autonomía concedía en 1998. La entrevista ente Gerry Adams, líder del Sinn Fein, y el primer ministru inglés Tony Blair nun sirvió pa llegar a un arreglu, colo que l'Ulster volverá dende esta nueche a la situación de va cuatro años . Evidentemente, la detención de cuatro miembros del Sinn Fein nun ye abondo pa xustificar esta decisión, que ye la salida del gobiernu británicu a una situación que yá llevaba meses tensando.Pa saber más recomendamos estos enllaces: reportaxe y especial de la BBC, númberu especial de la revista republicana irlandesa An Poblacht