Laura Marcos abre'l taller de llectura de Nava

|
Cartelu Laura Marcos 'Cuentos de ser y de tar' nos Talleres de Llectura n'Asturianu de Nava

Va falar sobre la so obra de rellatos de temática variada 'Cuentos de ser y de tar'.

Los Talleres de Llectura n'Asturianu de Nava, qu'entama'l Serviciu de Normalización Llingüística de la 'Comarca de la Sidra', comiencen una temporada nueva tres el parón del branu. La encargada de celebrar el primer alcuentru colos sos llectores ye Laura Marcos, que va falar colos presentes sobre'l llibru 'Cuentos de ser y de tar', nel que recueye una coleición de rellatos de gran rigor llingüísticu y estilísticu colos que resultó premiada en dellos concursos.

La mierense, llicenciada en Filoloxía Inglesa y especialista en Filoloxía Asturiana pola Universidá d'Uviéu que tamién destaca pola so obra poética, de la que parte ta recoyida na antoloxía 'La prueba del once. Poesía asturiana del sieglu XXI', va tar presente na sala Marta Portal de la Casa la Cultura de Nava'l xueves a les 19.30 hores. Los interesaos en participar nos Talleres de Llectura de Nava o na so hermana de Villaviciosa esta temporada pueden informase y apuntase, hasta final de mes, nel corréu normastur@lacomarcadelasidra.com o nel teléfonu 985.71.84.13 n'horariu de mañanes.

Contador Estadistiques