L'Atenéu obreru de Xixón fai homenaxe a los presos de la república

Una delegación asturiana entamada pol
Atenéu Obreru de Xixón va tar presente esti fin de selmana nel
pueblu coruñés de Rianxo pa participar nun homenaxe a los presos
de la II República que pasaron pel presidiu gallegu na posguerra. Ente
los actos previstos ta la presentación de de los llibros "Rianxo na II República. Apoio decidido ó Estatuto", de Xesús Costa Rodil y "Rianxo na Guerra Civil: campo de concentración de prisioneiros de guerra 1937-1939" de Xesús Costa, Xesús Santos y Xosé Comoxoy.

Otramiente l'Atenéu Obreru tamién pidió esta selmana a l'Ayuntamientu de la ciudá que se remocique'l monumentu qu'hai cerca de Peñarrubia n'alcordanza a les víctimes asturianes de los campos de concentración del nazismu. Ello ye que la placa del monumentu tien esborriaos los nomes de los homenaxeaos por culpa del tiempu, y amás ta d'espaldes al camín.