L’Atenéu Obreru de Xixón cumple años presentando un llibru

L'Atenéu Obreru de Xixón celebra güei vienres l'aniversariu de l'apertura de la so sede actual na cai Covadonga de Xixón, na que la institución, fundada nel añu 1881, lleva trabayando dende va venti años p'acá. La celebración d'esti Día Social va tener como actu central la presentación del llibru "Los republicanos en Xixón y los oríxenes del Atenéu Obreru de Xixón" del historiador Sergio Sánchez Collantes, obra que s'enxerta dientro de la colección "Folletos del Ateneo" y que van presentar el mesmu autor y el director de la colección, Leonardo Borque. Xunto cola presentación del llibru y n'acabando esta, l'Atenéu va acoyer dende les ocho y media l'espectáculu de monólogu n'asturianu "A pañar fuel" obra d'un de los renovadores del xéneru, Carlos Alba "Cellero".