L'asturianu y el catalán hermánense en Mallorca

Representantes de la Oficina de Política Llingüística encabezaos por Ramón d'Andrés, y miembros de la Xunta Pola Defensa de la Llingua van participar esti fin de selmana en Santa Margalida (Mallorca), onde se celebra una curiosa xuntanza cultural ente Asturies y Mallorca afalada pol cura de Santa Margalida, Guillem Feliu, que movilizó a media islla pa programar dos díes d'actividaes col oxetivu de dar a conocer el patrimoniu cultural de dambos pueblos y reivindicar la so proyección.

El profesor de filoloxía catalana de la UIB, Jaume Corbera, y Ramón d´Andrés, xefe de política llingüística del Gobiernu asturianu, van facer l'apertura oficial de les xornaes, gü eicon una conferencia a les 21,30 horas na ilesia del llugar. Les actividaes culturales van desarrollase a lo llargo del vienres y del sábadu, que ye'l día grande y nel que va haber una proyección de cine n'asturianu y en catalán y un recital poéticu na nuestra llingua. El domingu, una misa billingüe n'asturianu y catalán. El grupu folk asturianu Risca l´Alba, el cantautor menorquín David Vidal y los grupos Aires Vileros y Xaloc van echar el piesllu a esti fin de selmana, que va coincidir tamién cola "acampallengua" de Porreres, una folixa reivindicativa pol catalán nes islles organizada que valir tamién de plataforma pa da-y visibilidá al conflictu llingüísticu n'Asturies, según declararon representantes de la Xunta pola Defensa de la llingua que van desplazase hasta Mallorca.

Pela so parte, l'organizador de los actos, el sacerdote Guillem Feliu, declaró a medios locales de les Baleares que llamentaba "la marxinación por parte de los políticos y les instituciones que sufre l'asturianu, que nin siquiera tien status de llingua oficial" amestandoque conoz a muncha xente n'Asturies que llucha pol idioma y que'l motivu d'organizar esta xornada d'hermanamientu yera'l de demostrar "Que tienen sofitu en Mallorca".