L'asturianu va protagonizar esti mes el Mercado Artesano y Ecológico de Xixón

|
Cartelu 'A mercar cola llingua' Mercado Artesano y Ecológico

L'actividá que tien como sede la Plaza Mayor pon en marcha la iniciativa 'A mercar cola llingua' esta Selmana Santa.

Entamada gracies a la collaboración de la Oficina de Normalización Llingüística de Xixón, trátase d'un "proyeutu que busca favorecer la presencia del asturianu y potenciar la implicación de toos en que forme parte de la nuesa cotidianidá, asina como averar a propios y turistes la realidá de la nuesa cultura y tradiciones". D'esta forma esta edición del Mercado Artesano y Ecológico va tener como exa central la llingua y cultura asturiana.

Los talleres previstos van celebrase dende mañana hasta'l domingu n'horariu de 12 a 15 y de 17 a 30 hores. El xueves y el domingu va ponese 'Xugando coles pareyes', na que los visitantes van tener qu'atopar y empareyar cada dibuxu col so nome n’asturianu y castellanu; el vienres va ser el turnu d'un taller de vistimienta tradicional con recortables; y el sábadu, d'ellaboración de Güevos de Pascua, xornada na que tamién va actuar el grupu de baille Los Yerbatos.

El vienres y el sábadu tamién tán previstes visites guiaes n'asturianu y tasties nel mercáu a les 13 y 19 hores.

 

Contador Estadistiques