L'asturianu entra nel Congresu con Sofía Castañón y Segundo González

El diputáu y la diputada de Podemos electos por Asturies usen la llingua asturiana na so promesa

Segundo González comprometióse "a trabayar pa poner les instituciones al serviciu y a l'altura de la xente" mentes que Sofia Castañón prometió "pola alcordanza de les nueses güeles pol futuru de los nuesos fíos".

Amás de la fórmula habitual de xuramentu o promesa nel Congresu de los Diputaos, ye vezu que los diputaos usen dalguna frase que complemente o matice les sos pallabres.

Amás de la diputada y el diputáu asturianos bona parte de los diputaos de comunidaes billingües usaron tamién les llingües propies na sesión constitutiva del congresu.

La promesa de Segundo González

"Prometo acatar esta constitución y trabayar pa cambiala. Comprométome a trabayar pa poner les instituciones al serviciu y a l'altura de la xente n'Asturies y n'España. Nunca más un país ensin la so xente y los sos pueblos"

Comprométome a trabayar pa poner les instituciones al serviciu y a l'altura de la xente n'Asturies y n'España. pic.twitter.com/WeMi0u92bY

— Segundo González (@Segundogg) January 13, 2016

La promesa de Sofía Castañón

"Prometo acatar esta constitución y trabayar pa cambiala. Pola alcordanza de les nueses güeles, pol futuru de los nuesos fíos. Nunca más un país sin su gente y sus pueblos."

.@SofCastanon "pola alcordanza de les nueses güeles pol futuru de los nuesos fíos" pic.twitter.com/qgtqIDXLgj

— Podemos Asturies (@PodemosAsturies) January 13, 2016