Lastra: “Nun vamos perder nin un minutu nes propuestes del Bloque”

Los partíos mayoritarios n’Asturies, PSOE y PP, yá se pronunciaron sobre la proposición de llei presentada pol Bloque por Asturies na Xunta Xeneral. Los dos refugáronla y descalificáronla.

“Nun tenemos nengún interés nin vamos perder nin un minutu nes propuestes del Bloque”, fueron les contundentes palabres del portavoz del PSOE nel Parlamentu, Fernando Lastra. Amás, el voceru pon en dulda qu’esta propuesta llegue a votase.

Nuna llínia similar opinó'l portavoz popular, Joaquín Aréstegui, que calificó de “absurda” la iniciativa del Bloque por Asturies. El voceru del PP sorrayó amás que “los toros suponen un ingrediente esencial de la cultura española y cuenten con abonda afición en Xixón, como comprobé personalmente’l pasáu branu”.

Apoyos
Nel casu de la que la proposición del BA se votara na Xunta Xeneral, cuntaría col apoyu de Roberto Colunga, únicu diputáu d’esta formación, y de los trés parlamentarios d’Izquierda Xunida.