L’Asociación cultural Llacín organiza un conciertu en solidaridá con una famila d’artesanes de Nava

L'Asociación Cultural Llacín de Porrúa (Llanes), en collaboración cola Caxa Rural y l'Ayuntamientu d'Uviéu organiza esti vienres 25 de Mayu un festival que baxo'l títulu "Andecha musical con la Cogolla" quier recaudar fondos en solidaridá coles hermanes Consuelo y Casilda Ríu, dueñes de la "Llechería de la Cogolla" que'l pasáu 15 de payares del 2006 sufrió una quema que llevó per delantre oxetos de gran valor históricu al qu'hai qu'amestar el valor personal, ello nuna traxedia na que les hermanes perdieron el taller artesanal col que se ganaben la vida.

Los músicos de La Bandina, Xuacu Amieva, Tuenda, Felpeyu, L´Adecha Folclor d'Uviéu y la mesma Banda Gaites Llacín xunto col Grupu de Baille de Porrúa van participar nesta sesión a beneficiu de les dos hermanes que va tener llugar el vienres 25 a les 20:30 h nel Teatru Filarmónica d'Uviéu. Les entraes pa esti certame, col que l'Asociación Cultural Llacín y los músicos participantes quieren "poner en valor l'amistá" que tienen con esta familia y col trabayu que fexeron pola difusión y ayuda a la cultura asturiana", tán disponibles al preciu de 10 euros.