L'asesinatu de Fortuyn marca les elecciones n'Holanda

énte la celebración güei de les elecciones n'Holanda, la gran entruga ye saber si l'ultra Pym Fortuyn podrá ganar depués de muertu. Según les encuestes, la Llista Pym Fortuyn pue convertise nel segundu partíu más votáu y na bisagra pa la gobernabilidá holandesa, mientres que los tradicionales partíos mayoritarios Partíu de los Trabayadores (socialdemócrata), el conservador VVD y los centro-izquierdistes de Demócrates 66 perderán representación de xuro. Sicasí, les mesmes encuestes tamién dan bonos resultaos pal democristianu CDA y pa Izquierda Verde, anguaño na oposición, confirmando la cayida de los partíos tradicionales. Un datu d'interés: nun de los países que más presumen d'igualdá ente sexos, nengún partíu tien a una muyer de cabeza de llista. Entovía más, de 150 diputaos, namás 50 son muyeres.Nunes elecciones enforma alteraes pol estáu emocional en que se llega a elles, la seguridá ye otra de les obsesiones. Les amenaces estes selmanes a políticos y a medios de comunicación, acusaos de tar amagostando una campaña anti-Fortuyn convierten tamién estes nes elecciones del pánicu. Un caberu apunte a remembrar y qu'ayuda a entender la crisis del actual sistema políticu holandés ye que va un mes qu'el gobiernu dimitió depués de conocese la responsabilidá de los cascos azules holandeses na matanza de Srebrenica del 96