L'Arribada enllena de lliteratura l'Antiguu Institutu de Xixón

La edición 2007 de l'Arribada, el certame lliterariu y festivu nacíu por inciativa del escritor Humberto Gonzali, entamó ayeri cola llegada de los participantes nun barcu al muelle de Xixón, onde los recibió la Banda de Gaites "Ciudá d'Uviéu". L'Antiguu Institutu de Xixón centraliza toles actividaes d'esta feria lliteraria, asitiándose tamién ellí los puestos de venta de llibros.

El programa del certame pa esti sábadu entama a les 11 cola presentación del númberu 1 de la revista N'Ast pa pasar darréu a la mesa reonda "La xeneración del compromisu" cola participación de Xaviel Vilareyo, Berto García, Ricardo Candás, Xabel de Cea, Elizabeth Felgueroso, Pablo Rodríguez Alonso, Alejandra Sirvent, Carlos Suari y Xaviel Vilareyo

A lo llargo del día van presentase los libros "La causa más probable" de Xaviel Vilareyo, La senda del cometa de Miguel Rojo, Potestas de Xulio Arbesú, En busca de Xovellanos d'Ismael González Arias, Caballeros de la muerte d'Alejandro M. Gallo,Escrito na ceniza de Xosé Nel Riesgoy La emperatriz de Roma de Pedro Galvez, y van elebrase tamién les tertulies "Premios lliterarios n'Asturies" con
Ramón d'Andrés, L.luis Fernández, Esther García López, Inaciu Iglesias, Pablo Antón Marín Estrada y Xulio Vixil y Xénesis y desarrollu de la novela histórica n'Asturies, con Xulio Arbesú, Pedro Gálvez, Alejandro M. Gallo, Ismael González Arias, Xosé Nel Riesgo y Pilar Sánchez Vicente.
El programa completu pue consultase dende esti enllaz (pdf).