L'aragonés protagoniza una charra n'Uviéu

La maestra nesti idioma y youtuber Silvia Cebolla va presentar el so llibru de recetes veganes 'A escuchetes' y va falar de la situación de la llingua aragonesa.

La Xunta Estudiantil Asturiana entama esta charra sobre l'otru idioma estatal que nun tien el rangu d'oficialidá mañana, a les 19 hores, nel uvieín Llar La Llegra. La convidada ye Cebolla, una moza zaragozana que ta teniendo munchu ésitu en YouTube cola so canal dedicada a la comida vegana, 'A escuchetes', nel que la llingua vehicular ye siempre l'aragonés.

'A escuchetes' ye tamién el nome del llibru con recetes nesti idioma que vio la lluz recién y que va presentar n'Asturies nesti actu xunto con una amuesa y preba de productos veganos. Al empar, la youtuber va poner la charra 'La situación de la llingua aragonesa y l'aragonés na educación'.