L'apoyu de Foro al PP obliga a otra votación pa escoyer presidente

Asturies sigue ensin conocer al so próximu presidente. Javier Fernández y Mercedes Fernández empataron a 14 votos.

La sorprendente decisión de Foro d'apoyar a la candidata popular a la presidencia del país nel Plenu d'esta mañana lleva a Pedro Sanjurjo a convocar una sesión nueva pa otra votación, nunca enantes de 48 hores. Los diputaos PSOE y el PP votaron a los sos propios candidatos, mientres que'l restu de fuercies astuviéronse –n'Asturies nun se pue votar en contra– a esceición de Foro, que colos sos trés apoyos permitieron a Mercedes Fernández sumar 14, los mesmos que l'otru aspirante a la presidencia del país.

Esta situación nueva va provocar una serie de movimientos inesperaos, con contautos ente partíos a lo llargo de los díes próximos cola fin de buscar apoyos que permitan a dambos candidatos ser presidente d'Asturies.