L'andanciu de gripe mengua na sesta selmana

Asítiase en 329 casos por cien mil habitantes nel país, polo que ye d'intensidá baxa.

Ye la tercer selmana siguida que caltién esti nivel, con un descensu con respeuto a l'anterior de 41. D'esta forma l'andancia de gripe remite n'Asturies na sesta selmana (del 3 al 9 de febreru) depués de causar 15 muertes nesta temporada.

Según los datos facilitaos pola Rede de Médicos Centinela d'Asturies, el virus gripal predominante ye l'A, anque empieza a incrementase la circulación del B, daqué habitual na fase de descensu de la onda epidémica. Nesta selmana viose un amenorgamientu de los ingresos y de los casos graves, con 1.024 hospitalizaciones en tol país.