'#lamiollinguaye', concursu nel qu'amosar la estima al idioma

|
'#lamiollinguaye', concursu nel qu'amosar la estima al idioma

Entámalu Iniciativa pol Asturianu con motivu del Día Internacional de la Llingua Materna, que se celebra'l 21 de febreru en tol planeta.

Destináu a usuarios de Twitter, el concursu '#lamiollinguaye' consiste n'ellaborar un téstu inéditu y orixinal, en prosa o en versu, que tien qu’entamar o contener la etiqueta #lamiollinguaye, venceyáu con cualesquier cuestión llingüística, reivindicativa, d’apegu o sociollingüística al rodiu del asturianu y de tol dominiu llingüísticu asturlleonés. El llargor del mesmu nun pue superar los 280 carauteres.

La participación del concursu entama esta medianueche y fina’l día 24 a les 18 hores. Los trés tweets vencedores –cola posibilidá de la entrega tamién de menciones– van dase a conocer el día 25 de febreru, a les 12 hores, al traviés de la páxina web d’Iniciativa pol Asturianu, con llotes de llibros como recompensa.

La entrega de los premios va facese’l miércoles 27 a les 19.30 hores nos espacios del Conseyu de la Mocedá de Xixón. "Iniciativa pol Asturianu anima a la sociedá asturiana a participar na convocatoria p’amosar la estima y l’apegu al idioma y sensibilizar a la ciudadanía del valor de la nuesa llingua", espresen dende la organización.

AdxuntuTamañu
PDF icon Bases concursu '#lamiollinguaye'171.42 KB
Contador Estadistiques