L'amagüestu de Ribeseya cambia d'ubicación

Pasa a organizase na Plaza Nueva.

Tres cuatro años na Plaza d'Abastos, llugar que presenta deficiencies estructurales anguaño, l'amagüestu qu'entama Entaína Ribeseya coincidiendo cola cercanía a la Nueche d'Ánimes cambia d'ubicación. La Plaza Nueva ye'l sitiu escoyíu pa instalar la carpa onde van desendolcase toles actividaes esti sábadu.

La reciella va ser protagonista dende les 18 hores con actividaes destinaes pa los pequeños de la casa, pa proceder al repartu de baldre de castañes y sidra del duernu al rodiu les 20 hores. A les 20.30 hores va actuar la bandina Los Indianos de la Maleta al Agua, mientres que la Banda Gaites Ribeseya y el Grupu Baille El Corveru van encargase d'amenizar previamente la xornada.

Ente les inicaitives previstes nesta folixa tamién ta un concursu de recetes con castañes y calabaza.