L'ALLA presenta en Xixón la novela infantil 'Tyan'

Ganadora de los Concursos d'Investigación 2014 de la institución académica, el so autor ye Nel Ricardo Álvarez Morán.

'Tyan' foi la obra merecedora del premiu na estaya de Llectures pa Rapazos, que tenía una recompensa de 600 euros. Un xuráu conformáu por Urbano Rodríguez Vázquez como presidente, con Vicente García Oliva como vocal y Pablo Xuan Manzano de secretariu escoyó'l trabayu d'Álvarez Morán como la meyor.

Más de trés años depués, l'Academia de la Llingua Asturiana (ALLA) asoleya esta novela infantil, cumpliendo asina l'oxetivu de dir espublizando tolos trabayos gallardonaos. Esti procesu lleva retrasu por mor de la falta de presupuestu de l'academia, que foi amenorgándose mientres años.

La presentación de 'Tyan' va celebrase mañana, a les 20 hores, na llibrería La Buena Letra. Nel actu, amás del autor, van tar presento Alberto Álvarez Peña, responsable de les ilustraciones, y l'académicu García Oliva, que va encargase de conducir la presentación.