L'ALLA espubliza trabayos sobre la toponimia de Grau y La Ribera

L'Academia de la Llingua asoleyó esta selmana dos volúmenes nuevos dientro de la so colección de Toponimia. Los llibros, que faen los númberos 107 y 108 dientro de la colección de l'ALLA, correspuenden respectivamente a los conceyos de Grau y La Ribera. El primeru d'ellos ye'l sestu que se-y dedica dientro de la colección al conceyu moscón, encargándose concretamente de les parroquies de Berció, Rañeces, Rodiles, Samartín de guruyés y Santu Adrianu'l Monte, y enxertando amás una amestadura a los estudios yá espublizaos de les parroquies de Bascones, Cuaya, Rubianu, Sama, Santa María y Vayu. Xabiel Fernández García foi l'investigador que llevó alantre esti trabayu, mientres que'l volume de La Ribera ye responsabilidá de Mª Teresa Fuente Muñiz y Carmen Mª Zapico García, que s'encargaron del analís de los nomes de llugar de la parroquia de Teyego, la primera de La Ribera qu'apaez dientro de la colección de Toponimia de l'ALLA.