L’ALLA entrega los diplomes de los sos cursos de branu

El Rector de la Universidá d'Uviéu y la Presidenta de l'Academia de la Llingua piesllen oficialmente los XXV Cursos de Branu. L'actu va ser güei vienres 28 de setiembre, a les 19:30 hores, nel Salón de Graos de la Facultá de Psicoloxía de la Universidá d'Uviéu, na Plaza Feijoo.

Nos cursos participaron un total de 150 alumnos matriculaos nos siete niveles que s'impartieron: Cursu Elemental de Llingua Asturiana, Cursu Avanzáu de Llingua Asturiana, Cursu de Capacitación pa la Traducción al Asturianu -toos tres inxertos nos Cursos d'Estensión Universitaria de la Universidá d'Uviéu-, los cursos L'asturianu na rede d'Internet, El cine n'asturianu. Aplicaciones educatives, Otros xuegos y tradiciones populares na enseñanza, y la primera fase del Curso de Capacitación en Gallego-Asturiano. A lo llargo del actu intervendrán el director de los Cursos de Branu, D. Xosé Antón González Riaño, la Presidenta de l'Academia, Dña. Ana M.ª Cano González, y el Rector de la Universidá d'Uviéu, D. Juan Vázquez.