L'ALLA entama una mesa redonda n'Uviéu sobre la llingua asturiana nel Reinu d'Asturies

|
L'ALLA entama una mesa redonda n'Uviéu sobre la llingua asturiana nel Reinu d'Asturies

Va celebrase nel Muséu Arqueolóxicu y forma parte de los actos pol triple centenariu de Cuadonga que se celebra esti 2018.

La ex presidenta de l'Academia de la Llingua Asturiana (ALLA) Ana María Cano va moderar esta mesa redonda que lleva'l nome de 'L'asturianu: la llingua d'un reinu'. Nella van participar los profesores de la Universidá d'Uviéu Miguel Calleja, Francisco Javier Fernández Conde, Margarita Fernández Mier y Xosé Lluis García Arias.

L'actu va celebrase mañana, a les 19 hores, nel salón d'actos del Muséu Arqueolóxicu d'Asturies. Esti alderique, entamáu pola ALLA, ye ún de los munchos que se tán celebrando nel país esti añu dientro del programa Cuadonga Centenarios 2018 que conmemoren el primer centenariu de la coronación canónica de la Santina y de la creación del Parque Nacional de la Montaña de Covadonga, actualmente Picos d’Europa, y el decimotercer centenariu de los oríxenes del Reinu d’Asturies.

Contador Estadistiques