L'alcuerdu vese difícil nuna xornada clave

Los representantes de la FSA-PSOE y d'Izquierda Xunida Bloque por Asturies aconceyaron ayeri nuna sesión maratoniana que nun terminó hasta les 11 de la nueche y en que terminaron la llectura de programes ellectorales de dambes formaciones, pasu previu a la negociación de puntos concretos, qu'entama a les 5 y media d'esta tarde.

Esta ronda previa de llectura de programnes yá dexó bien claro que l'hipotéticu alcuerdu de gobiernu ente les dos opciones polítiques nun s'acolumbra fácil, y ye que nel repás de propuestes programátiques tan rescamplando diferiencies que tienen mala igua. Cuestiones como la sanidá, sobremanera col tema de los centros concertaos, el tema del Defensor del Pueblu, la TV autonómica o l'asturianu tan nel noyu del desalcuerdu, que tendrá d'entamar a resolvese a partir d'esta tarde.