L'Alcuentru cola Cultura Tradicional vive la so décima edición

|
Cartelu X Alcuentru cola Cultura Tradicional

Vezos Astures convida a siete asociaciones culturales de tola Península Ibérica pa celebrar los diez años d'esta iniciativa.

Yolanda Cerra y Santiago Galguera van abrir esta tarde, a les 19.30 hores nel Centru Municipal Integráu Pumarín-Xixón Sur, el X Alcuentru cola Cultura Tradicional cola charra 'El pericote 100 años después', quedando pal sábadu los talleres de baille que permite a toles persones interesaes el conocer dances d'otros llugares. Nesta ocasión son siete los grupos de fuera que van dar a conocer el so folclor nel Muséu del Pueblu d'Asturies.

A les 10.45 hores, el Colectivo Brañaflor, de Cantabria, va ser el primeru en poner un taller, pa depués dar pasu a los vascos Aiko Taldea (11.45 hores), los lleoneses Serano (12.45 hores) y los gallegos Peis d'hos (13.45 hores). Tres una posa pa xintar, pela tarde va ser el turnu de los zamoranos Bajo Duero (16.30 hores), los aragoneses Somerondón (17.30 hores) y los albaceteños Abuela Santa Ana (18.30 hores).

Pa finar l'Alcuentru cola Cultura Tradicional, el Conceyu de Cultura Tradicional Vezos Astures entama una espicha nel Llagar de Castiello con tolos convidaos y miembros del coleutivu, onde'l baille torna a ser protagonista.

Contador Estadistiques