L'alcalde d'Uviéu cesa al conceyal Arias-Cachero “Felechosa”
|
1 Ochobre, 2010 por E.P. / Redacción
- Inicie sesión o rexístrese pa espublizar comentarios
L'alcalde d'Uviéu, Gabino de Lorenzo, cesó esti xueves al conceyal de Cultura y Deportes, José Suárez Arias-Cachero, como miembru de la xunta de Gobiernu, basándose nun informe que recoyía "irregularidaes en materia de contratación”.
Arias-Cachero mostró hai unos díes el so apoyu a la posible candidatura del ex ministru Francisco Álvarez-Cascos a la presidencia del Principáu pol PP. Fízolo al traviés d'una carta publicada nel diariu El Mundo.
L'informe, fechu pol conceyal d'Economía, Jaime Reinares, nel que l'alcalde uvieín basa'l cese del conceyal recueye qu'Arias-Cachero "tendría qu'astenese en relación cola contratación d'una empresa de la que yera alministrador un cuñáu suyu, y na que curiosamente hasta mayu del 2009, fecha na qu'aproximadamente entama la relación col conceyu, el so hermanu Francisco Suárez Arias-Cachero figuraba como accionista".
Recueye amás que "la gravedá d'estos fechos totalmente acreditaos" faen necesariu'l cese del conceyal en toles sos responsabilidaes dientro del Gobiernu Municipal y del Grupu Popular.
Según l'informe, les supuestes contrataciones irregulares realizáronse a la empresa Logias S.L (Grupu TIPSA), por servicios de "mensaxería". "Vamos estudiar próximamente si amás de la responsabilidá política esiste responsabilidá d'otra naturaleza qu'aconseye remitir a la Fiscalía l'asuntu mentáu pa depurar les responsabilidaes xudiciales que pudieren existir", acaba l'informe enviáu al alcalde y firmáu por Jaime Reinares.
D'esta manera Arias-Cachero, amás de dexar de ser miembru de la Xunta de Gobiernu, queda cesáu con efectos a fecha de güei de los sos cargos como conceyal de Gobiernu de Cultura, Deportes, Sociedá Uvieína de Festexos, Mocedá y Archivu Municipal, con perda de la dedicación esclusiva.
Efrén d'Andrés
Comentarios
Sin entrar a valorar la supuesta irregularidad, que en principiu a mi paezme una chuminada; con una actuación así muéstrase'l talante de Gabino pa colos suyos.
Mientres esti home y la so tropa (Ovidio, Pardo...) estén nel PP, esti partiu n'Asturies sigue sin tener credibilidad y flacu favor-y fae a la democracia, por mermar la capacidá d'alternativa política nuna comunidá acomodada y anclada nel partiu únicu.
Tuvieren que pasar venti años pa poder velo , pero como se suel dicir "a tou gochín-y llega'l so samartín". Agora'l qu'espulsaba ye l'espulsáu .Mándenme date recuerdos los 9 compañeros de la xunta nacional de la UNA que tu ya otros como tu, espulsasteis nel so día, franciendo'l proyectu d'UNA pa siempre Llueu ya veno'l Roxu cola rebaxa y mandóvos a mamáila a Pelayo .jajajajaja toi que me descoyono de la risa , solo hubo de esperar venti años na mas jajajaja.