L'alcalde de Ferrol pide perdón por un tweet contra l'asturianu de la xerente de Turismu

|
Tweet de respuesta d'Adrián Barbón a xerente de Turismu de Ferrol

El presidente Adrián Barbón respondió a la responsable, nacida n'Asturies, pa defender la importancia de "los mayores sin estudios" falantes d'asturianu, como los sos güelos.

"Ye un falta total de respetu", espresó Ángel Manuel Mato, alcalde socialista de Ferrol, llueu de conocer el tweet de María Luisa López, xerente de la Sociedade Mixta de Turismo de Ferrol, contra l'asturianu. "Soy asturiana y he vivido en Asturias hasta los 25. Nunca he hablado (ni entendido) el "bable" ni conozco a nadie que lo hable. Sólo se escucha en las aldeas y, de siempre, lo habla gente mayor sin estudios. Lo de ahora es tema político para vivir del cuento y enriquecerse unos pocos", espublizaba na so cuenta personal.

Nun tardaben n'entamar les reaiciones a esti mensaxe, ente les que rescampló la de Barbón: "Entre esos “mayores y sin estudios”, estaban mis güelos. Y yo tengo estudios y soy Presidente del Principado de Asturias, gracias a mis cuatro güelos que hablaban asturiano, trabajaron toda su vida y lucharon porque sus hijos y nietos tuvieran una vida mejor. Le exijo respeto", retrucó-y. La repercusión a esta respuesta llegó hasta Ferrol, hasta'l puntu de llevar al alcalde a pidir perdón públicamente a los asturianos y a anunciar una disculpa de calter oficial al llavianés.

D'igual forma, convocó a los voceros de los grupos municipales p'analizar "l'impautu del mensaxe" de López "pa la ciudá" y decidir posibles propuestes al conseyu d'alministración de la sociedá pública.

Contador Estadistiques