“L'actu académicu pudo entamase gracies al Conceyu d’Uviéu”, asegura la presidenta de la institución

Ana María Cano recordó na presentación del Día de les Lletres Asturianes la situación crítica que vivió la institución nos meses últimos por mor del so estatus llegal que-y torgo recibir la so financiación por parte del Gobiernu d'Asturies. 

Definitivamente, l’ALLA pudo recibir la tresferencia del Gobiernu cola que poder afrontar les nómines atrasaes, qu’a primeros d’añu s’abonaron col remanente de la institución académica, y garantizar la continuidá nel llocal actual. Sicasí, esti retrasu tuvo a punto de suspender l’actu académicu del Día de les Lletres Asturianes, salváu gracies al sofitu del Conceyu d’Uviéu, según indicó Cano.

El vicepresidente de l'ALLA González Riaño apuntó  que tienen la promesa del Gobiernu y del grupu parlamentariu socialista na Xunta Xeneral de solucionar definitivamente l'estatus  de l'Academia. Esto sedría pente medies d'un decretu qu'esclarie'l so status como institución pública del Principáu d'Asturies, tando anguaño trabayando na so redaición.