L'aconceyamientu ente’l SESPA y el SIMPA fina ensin alcuerdu, anque con “dalgún avance”

El Serviciu de Salú del Principáu d’Asturies (SESPA) y el Sindicato Médico Profesional de Asturias (SIMPA) aconceyaron otra vuelta esti llunes p’acabar cola fuelga. La reunión finó ensin alcuerdu, anque con “dalgún avance”.

El tema principal de rocea sigue siendo’l descansu posterior a la guardia que reclamen los médicos, según señalaron fontes del sindicatu tres l’alcuentru que tuvo llugar güei na sede del SESPA. L’organismu públicu solicitó a los médicos que “flexibilicen la so postura” respeuto a esti asuntu. La xerente del SESPA, Celia Gómez, y el responsable d'Atención Especializada del SIMPA, Ángel Colmeiro, encabezaron l’aconceyamientu.

Tres esti avance nes negociaciones, dambes partes van tornar a reunise’l miércoles. Los médicos tán nestos momentos na tercer fase d’una fuelga que s’anició’l 8 d’ochobre. Tán convocaes xornaes nueves de paru tolos llunes, miércoles y vienres del mes.