L'Academia entama'l llunes les XXIV Xornaes d'Estudiu

Les Xornaes d'Estudiu de l'Academia de la Llingua entamen esti llunes. Trés díes de comunicaciones, ponencies y conferencies rellacionaos cola investigación más de recién nel conocimientu de la llingua asturiana. Les xornaes van desarrollase dende'l llunes 24 al vienres 26 na Facultá de Filoloxía de la Universidá d'Uviéu, entamando'l llunes a les 16:30 cola conferencia del profesor de la Universidá d'Uviéu y ex - presidente de l'Academia de la Llingua Xosé Lluis García Arias sobre "arabismos nel Dominiu Llingüísticu Astur". Ente la representación de filólogos de fuera que van participar nestes xornaes llama l'atención la de Philip Obrist, que va falar sobre cuestiones rellacionaes cola toponimia asturiana y Carmen Alén Garabata, que va facer un estudiu comparativu de la situación de minorización na que s'alcuentren occitanu y asturianu. La ponencia de pieslle va dala Ignaciu llope, que va falar sobre "Xuegu d'Identidaes nel Navia-Eo - Un averamientu críticu". La inscrpición a les xornaes pa consiguir diploma acreditativu pue facese contactando cola ALLA