L’Academia de la Llingua Asturiana presenta los Cursos de Branu

Esti llunes día 24 va entamar el plazu pa matriculase na XXII edición de los cursos de Branu de l'Academia de la Llingua. Como yá ye vezu dende hai unos años p'acá, los cursos de la institución llingüística van celebrase en Santantolín d'Ibias, y les feches de los mesmos van ser ente'l 2 y el 13 d'agostu.

La ufierta de cursos contempla, en primer llugar, la cnvocatoria de tolos años en collaboración cola Universidá d'Uviéu, na que s'enxerten los cursos elemental y avanzáu de llingua asturiana y el de capacitación pa la traducción al asturianu. Estos trés cursos vencéyense al programa de cursos de branu del Vicerrectoráu d'Estensión Universitaria de la Universidá y, polo tanto, aporten créditos de llibre configuración.

En segundu llugar, la ufierta dientro de los "Cursos d'afondamientu cultural y llingüísticu" incluye esti añu cuatro cursos distintos, entamando pel de capacitación pa la traducción al asturianu dirixíu por Xosé Lluis García Arias. La ufierta sigue col de Patrimoniu Históricu, artísticu y cultural, que va dirixir Margarita Fernández Mier. La vieya y la nueva música folk n'Asturies son oxetu d'otru d'estos cursos, dirixíu por Nacho Fonseca, mientres que'l biólogu Carlos Lastra va llevar la dirección del cursu "ecoloxía y mediuambiente n'Asturies".

Los dos primeros van ser del 2 al 7 d'agostu ylos dos últimos del 9 al 13. Ello quier dicir que quien quiera va poder apuntase a dos curso que, por calandariu, seyan compatibles, anque l'Alla va da-yos preferencia a los mayestros y mayestres de llingua asturiana y a los titulaos pola institución académica y la universidá a la hora d'apuntase.

Pa rematar la ufierta de cursos, convócase tamién, y n'esclusiva pa los que ficieren l'añu pasáu la primer fase, la segunda parte del cursu de capacitación en gallego-asturiano, que va ser del 2 al 7