La Xunta Xeneral para pola fuelga xeneral feminista del 8-M

|
Xunta Xeneral dende presidencia

PP, Foro y Ciudadanos opunxéronse a la non celebración del Plenu programáu pal xueves.

La Xunta de Voceros del llunes, a propuesta d'Izquierda Xunida (IX), decidió la suspensión de la sesión prevista pa güei con motivu de la fuelga xeneral feminista convocada pol Día Internacional de la Muyer. FSA y Podemos sofitaron el pidimientu de la coalición, amosando la so disconformidá cola midida'l Partido Popular (PP), Foro y Ciudadanos, formaciones que criticaron la postura de la izquierda.

Les y los parllamentarios de Podemos foron les úniques que nun acudieron güei a la Xunta Xeneral sofitando'l paru de 24 hores convocáu dende la Comisión Asturies Feminista 8M, mentes que les de la FSA y IX apoyaron los paros de dos hores al que llamaron los dos sindicatos mayoritarios, UXT y Comisiones Obreres. Tolos grupos parllamentarios acudieron a la concentración prevista al meudía na plaza de la Casa Conceyu d'Uviéu, cola esceición única del popular.

Contador Estadistiques