La Xunta propón alternatives

Esti sábaducerca de 50 asociaciones y partíos políticos taben llamaes a un conceyu convocáu pola Xunta Pola Defensa de la Llingua Asturiana nel qu'esta organización presentó la so propuesta abierta, un documentu "diagnósticu fríu, realista y radicalmente comprometíu de la situación na que sobrevive la llingua asturiana" y que quier ser un poco la base que llame a la unidá de les fuerces asturianistes nun momentu de crisis pol ataque que la llingua ta viviendo dende les instituciones. L'interesante documentu de la Xunta fai un anális históricu de los venticinco últimos años de reivindicación llingüística, concluyendo que tamos viendo "l'apueste postreru de los sectores llingüísticamente más reaccionarios de la sociedá asturiana por ganar d'un blincu pa tras tolo qu'hasta agora perdieren, y por aprovechar el marcu llegal ambiguu nel que s'alcuentra l'asturianu pa frenar dafechu un procesu que yá paecía que nun tenía torna" El documentu remata con un bloque de propuestes de protesta y movilizazión nel que se suxer pasar a "práctiques de resistencia civil non violenta, acordies cola situación na que tamos viviendo, multiplicando y descentralizando les acciones de denuncia, implicando a más xente y faciendo visible la inxusticia que tamos viviendo y la condena a muerte que-y quieren imponer a la llingua del nuestru pueblu".